Sunday, March 31, 2013

Статуси (на Гивгилиски) бр.10

   Избор на статуси...



-Ама тетко вие пари са фалсификат. Фалсификат?!??! Брзо викнајте полиција,силувана сум.

-Моме,ного ти е убава косата.Може да ти а искубум цела?

-Шо прават зетут и невестата првата брачна ноќ? –Зетут ги брое парте,а невестата клаве слики на фејсбук.

-Гулема е разликта уд “...ама,та сакум“ и “та сакум,ама...“ .

-Да даде Госпуд жента да ти каже оти си најдобар уф Македонија.



-Семинарут за патување низ времто ќе са удрже вчера.

-Разликта уд селанец и сељак е гулема,единиут си копе уф селто на ниавта,а другиут си копе уф носут на сред град.

-И жените прдат.

-Маче,ма губиш кути Бранко на избори.

-Гу врнах саатут....и така не беше мој.

-Шо можиш да изедиш вадин-не гу уставави за утре.

-Добриут секс и гарнитурта гу памте.



-Јас каков малер сум: да ми падне каман уд срц’то ,гарант ќе ми гу најдат уф бубрегут.

-Рекламте секогаш л’жат.

-Ако уопште знам шо е љубов,тоа гу знам заради тебе.

-Човечки е да грешиш,ама гумта ако а истрошиш пред муливут значи стварно си претерал.

-“Друже,а бе ваа не е твојта бивша“? НЕ,туку мојта најгулема грешка уф животут.

-Лек против кашлица: начуки са рицинус и немиш гајле.

-Насмеан моторџија ќе пузнајш по мушките меѓу забите.

-Сакум женски без шминка и фотошоп.


-Пари и слава не ма интересират.Само пари.

-Плави очи не ти важат ако ти е мрсна кос’та.

-Са ближе Велигден.Ќе има јајца,Џокси,чудотворни икони......и бришење пријатели.

-Гулем поздрав ду мојте родители,посебно ду мама и тато.

-Петок е оште по убав ако ти кажат оти ти пуштиле плата.



.

Thursday, March 28, 2013

МЕНУВАЊЕ НА МИСЛЕЊЕТО

    
   Ако можеш нормално да живееш, не си глуп - ако помислиш дека си глуп, се лажеш - никој не е попаметен од тебе - ако нешто не разбираш, не си ти крив - менувај го мислењето само кога си навистина убеден дека имаш погрешен став - се може да се релативизира и се мора да се релативизира - не дозволувај да те манипулираат.



НИКОЈ НЕ Е ГЛУП!
 Ако си способен сабајле да станеш, да се измиеш, да ги измиеш забите, да се облечеш, да заклучиш кога излегуваш од дома и да запомниш дека си заклучил... ако сето ова го правиш без посериозна интелектуална мака - не си глуп. И нема потреба да се сметаш за глуп. Те лаже секој што директно или индиректно се обидува да ти докаже дека си глуп. Се лажеш ако помислиш дека си глуп, зашто не го разбираш некој кога се обидува да ти каже нешто.

МАНИПУЛАНТИ Ако некого нешто не можеш да го разбереш, ако се чувствуваш ментално инфериорен, ако се комплексираш дека има толку работи на светот што не ги разбираш - пак не си глуп. И никогаш немој да помислиш дека ти си крив ако нешто не рабираш, и никогаш немој да помислуваш дека оној што ти зборува е по вреден од тебе. Има говорници кои тоа го користат за да те изманипулираат. Има манипуланти кои сакаат да те внесат во филм, за да можат потоа да прават со тебе што сакаат.
И кога не си сигурен дали си во право, држи до своето мислење. Менувај го ставот само кога си убеден дека е поинаку. Никој од нас не е секогаш во право, ни ти. Ама секогаш биди свесен дека не е секогаш во право и секој друг, па и оној што го сметаш за врвен познавач на некоја област. „Врвен познавач“ - не постои таков. За се може да се бара потврда, доказ, за се може да се дискутира, се може да се релативизира. И за се треба да се бара потврда, доказ, за се мора да се дискутира, се мора да се релативизира. Не постојат универзални вистини, дадени еднаш засекогаш. Се мора да подлежи на проверка.

ПОРАКА Затоа, биди самоуверен/а. Никој ништо не знае повеќе од тебе и никој нема поголема способност за сфаќање поголема од тебе. Сите сме, горе долу исто интелигентни - разликата ни изгледа огромна, но ако се споредиме со другите суштества на планетава сите луѓе имаат горедолу исто ниво на интелигенција. Ако не ти е нешто јасно, побарај да ти се објасни. Дури и ако за сите испаднеш смешен. Подобро да им изгледаш глуп на сите и да го разбереш она што не ти било јасно, отколку на сите да им изгледаш паметно, а у ствари да бидеш вистински глуп. Не му дозволувај никому да те натера да дејствуваш според информации кои не ти се доволно јасни, само поради тоа што мислиш дека знае повеќе од тебе.

Tuesday, March 26, 2013

Статуси (на Гивгилиски) бр.9


Избор на статуси...



-Некуи жени дузнаават оти имат убави и тенки нози дури откога ќе са издепилират.

-Толко ного срања са прават уф един ден,шо не знајш на шо попрво да са концентририш.

-Фриждерут ми е женско-нема јајца.

-Место пеперутки,слепи мишаве уф стомак.

-Тато ти шо сакше,м’шко или женско дете? -Ништо бе сине,само саках убаво да си пуминум.




-Најстински м’ж,е па навикнајте са на изригајне,прдење и носење на пиво штом ќе посаке.

-Некогаш ми фалиш,некогаш не.Зависи од лекарствата.

-Да знајте,дет’то шо плаќе-ќе си дубие цицка.

-АПЕЛ ду сите портали,престанејте курвите да ги викте СТАРЛЕТИ!!!

-Покрај воа кур,ти најде за збор да ма држиш?

-Секогаш е глуп народут шо не гласал кути вас.

-Вечер не удејте уф диско,ќе ви светат палците.




-Никогаш не вреѓи крокодил се дудека не а пуминиш реката.

-Вадин сум две точки и затвори заграда-цел ден.

-Македонија са секе су дела,и минимум 1000 км одалеченост.

-Купил апарат и одма мисле оти е професионален фотографер.Будалоооо,и јас едн’ш купих кондоми,па не излезе тоа шо мислах.

-Келнерка-единствена жена шо ти приоѓе прва.

-Женте флертуват за да си а потврдат вредноста.Мажите-оти им са ебе.




-Delete ја парчете ја.

-Нај ВМРО-вска фирма е Просветно ДЕЛО.

-55 % уд жен’те глумат оргазам.....100 % од мажите не са замарат за тоа.

-На пулитичарто исто кути и на секуи друзи луѓе им истечаве рокут на траење.

-Стварно малко ни биле 500 години.


.

Sunday, March 24, 2013

Хероите од Слива


......Тргнале да загинат за Крушево да преживее. Нивната смрт, нивната жртва, на крушевчани им донела живот. Тоа е приказната за битката кај местото Слива, која, заедно со таа на Мечкин Камен, е една од најтешките во периодот на Илинденското востание, кога со последните сили се бранела Крушевската Република пред нејзиниот крај, на 12 август 1903 година. Педесетина востаници му се спротивставиле на неколкуилјаден турски аскер со едноставна цел - да го задржат што подолго, додека населението и главниот штаб се повлечат во збеговите во местата Осој (кај селото Зашле) и Крушка (близу селото Пуста Река). Гинеле еден по еден, речиси до последен човек, само за со своите животи да купат неколку часа во кои остатокот од градот ќе се спаси.

- Треба почесто да си го поставуваме прашањето што ќе се случеше ако востаниците на Слива не ги дадеа своите животи, не ги положеа на тој олтар - вели историчарот Зоран Богевски, директор на Музејот на Илинденското востание и Крушевската Република во Крушево.
А што ќе се случеше? Османлиите во Крушево ќе начекале преполн град со жители, млади, стари, жени, деца, борци и цивили... Ќе немале милост. Голем дел од денешните крушевски семејства и воопшто луѓе со крушевско потекло, немало да постојат. Ова е едно од ретките борбени дејства од илинденската епопеја, од кое има материјален, опиплив ефект и денес, во форма на живи потомци на спасените крушевчани. Сепак, ова е историски настан од врвно значење за кој Македонците не се сеќаваат дали го учеле на училиште, дали слушнале за него од медиумите или го виделе на филм, а многумина не знаат ниту дека се случил.


На крушевските гробишта, поминувајќи меѓу гробовите на Тоше Проески и на Питу Гули, па покрај партизанската алеја и низ многу други гробови, намерникот одвај ќе ја најде заедничката гробница на 44-те комити паднати на Слива. Автобусите од училишните едукативни екскурзии низ Македонија се редовни во Крушево, но не ги поминуваат петте кривулести километри до Слива, на порано прометниот трговски коридор меѓу Крушево и Кичево, а денес полуасфалтиран пат по кој поминуваат одвај пет-шест возила на час. Политичарите положуваат венци на петметарскиот споменик „Востаник со испружена рака“ на местото на крвавата битка, што личи на подрасцепен камен обелиск, изграден во минималистички стил, во духот на времето кога е подигнат (1963 година). Но тоа се случува наутро, часови пред свечените говори на Мечкин Камен и директните преноси од нив.

Историчарите немаат објаснување зошто Мечкин Камен добива многу поголемо внимание од Слива. Во двете битки имало речиси ист број востаници, кои се спротивставиле на аскери повеќебројни за десетици пати, во едната борците отишле да загинат за други да се повлечат, а во другата биле опколени и нападнати додека се повлекувале. Но тие имаат две работи да порачаат: Слива мора да си го заземе вистинското место во колективната меморија на Македонецот исто како и Мечкин Камен и тоа не смее да се направи на начин што би создал ривалство околу тоа која од двете битки е поважна.



НЕОЧЕКУВАН НАПАД ОД КИЧЕВО

Крушево било напаѓано и успешно брането дури осум од десетте слободни дена, истакнува директорот на музејот, Богевски. Горското начелство, предводено од Никола Карев, претседателот на Републиката, знаело со што се соочува. Бахтијар-паша, познатиот скротувач на востанијата во Босна и во Косово, веќе бил во Пелагонија. Востаниците одржале две советувања. Прво решиле да се бранат. Потоа барале начин како да се повлечат. Се појавиле две струи. Првата, која ја поддржал Карев, препорачувала повлекување, со што помал број жртви и помали загуби. Питу Гули, пак, сметал дека без смрт нема слобода, барал борба до крајот. Донеле одлука да се подготват ровови на стратегиските позиции. Меѓу другите места, и на Слива, висока ливада меѓу два рида, одлична позиција за бранење од евентуален напад од Кичево, иако не се верувало дека Турците ќе тргнат низ тој тежок терен, кога веќе имале полесен пристап од Пелагонија. Дваесетилјадна турска војска го сардисувала градот. Бомбите на непријателот веќе паѓале. Се чекала неговата чизма. И таа дошла токму од најнеочекуваното место.
- Командантот на кичевската касарна, чие име се знае, се покажал како најамбициозен. Веројатно сакал да го претекне Бахтијар-паша во задушувањето на востанието и со тоа да добие поголем углед кај султанот Абдул Хамид и подобро место во турската администрација. Во тој момент ситуацијата налагала само едно - да се жртвуваат одреден број луѓе за да се спасат преостанатите - додава Богевски.
Тешка одлука, смета тој, но неопходна. И не била донесена само за Слива, туку за секаде каде што ќе се појави потреба.
Тодор Христов, офицерчето, човек со солидно војничко искуство, како офицер во бугарската армија (инаку Македонец) имал формирано одред, од кој подоцна било издвоено едно одделение за да се прати на Слива. Се вели дека биле главно млади момчиња од 15-16 години, иако од оние на кои им е потврдена возраста, најмладиот бил 18-годишник. Ѓорѓи Стојанов, крушевчанец по потекло од Арилево, бил на чело на одредот, заедно со Диме Смугрев, полскиот цар. Тие ги предводеле востаниците на Слива.



ЧАСОТ Е ВЕЛИК


Слива е како порта. Највисока точка на излезот од Крушево кон Кичево, меѓу два рида, на висина од 1.357 метри. Денес е опколена со зимзелена шума, но неа тогаш ја немало, засадена е во 1930-тите години. Лесно се препознава зашто токму тука било решено да се запре аскерот. Вкопани во рововите, востаниците имале прегледност, биле во висинска предност и не можеле да бидат заобиколени. Значи, педесетина комити и теренот во сојуз против аскерот. Колкав аскер? Податоци на Интернет велат околу 3.000, дури и попрецизно 3.080, но борците имаат посликовит опис.
- Еден од преживеаните раскажувал дека кога се појавила главата на аскерот пред нив, на околу 500 метри, опашката сѐ уште била на ридовите кај Пуста Река, што е 5-6 километри воздушно - пренесува Богески.
„Браќа, часот е велик“, со овие зборови водачите им се обратиле на борците. „Врагот е пред нас. Но и примерот за саможртвување и готовноста за борба до смрт е пред нас. Нека докажеме дека сме корави Македонци, упорни борци и доблесни синови на родината. Од височините на Бела Вода (врвот над Слива), Македонија ќе го гледа нашиот подвиг“. Последни зборови пред судната битка. Турците дошле. Не се знае дали биле изненадени од огнениот пречек. За жал, оружјето на востаниците било со краток дострел, пушките не дофрлале до точката од каде што се појавувал аскерот. Морале да го чекаат повеќе да се доближи. Војводата Ѓорѓи Стојанов се сместил во средината на ровот. Прва доаѓала коњаницата. Наредил десната страна да пука во коњите или во нивните нозе, а левата во јавачите, меѓу срцето и главата. И да се стрела исклучиво во месо.
Битката почнала. Кога полетале првите куршуми, Османлиите застанале. Повикувале на борба гради в гради, нож на нож. Но не им паѓало напамет на комитите да излезат од рововите. Им порачувале да се предадат, ветувајќи им милост од султанот. Добивале одговор во куршуми, пцости и во патриотски песни. Тогаш Турците тргнале напред. Борбата се разжестила. Паѓале една по една жртва. Други одреди доаѓале на помош. Општата препорака била секој да се вклучи каде што ќе види борба, но кога состојбата ќе станела невозможна, да се искористи шансата за повлекување. Овде повлекување немало. Од одредот успеале да се спасат одвај десетмина. Турски коњаник дојавал до ровот. Го исекол Ѓорѓи Стојанов со сабја. Цветко Стојчев, еден од најистакнатите комити, го убил убиецот на војводата и загинал од пешадиски куршум. Паднал и полскиот цар Диме Смугрев. Паднале над 40 востаници. Турците, изненадени од нивната храброст и пожртвуваност, застанале кај рововите да им оддадат почит, со стрелба во воздух.
Дури пет дена по битката, Бахтијар-паша им дозволил на крушевчани пристап на Слива. Телата биле полураспаднати поради августовското сонце, распарчени од диви животни и од гаврани, не можеле да се препознаат, освен по облеката или по некои други белези. Бил направен заеднички погреб во Крушево. Но некои останале да почиваат на Слива, на местото каде што создале историја за себе и иднина за градот.



ПОТОМЦИТЕ МЕЃУ ГОРДОСТА И БОРБАТА ЗА АФИРМАЦИЈА


Можеме само да претпоставуваме дали ќе беше возможно денес да стоиме кај споменикот на Слива и да разговараме со Аница Стојановска, потомок на семејството на војводата Ѓорѓи Стојанов, ако тој и неговите востаници не се жртвуваа. Или со Лекса Преш, која ја сретнавме на гробот на нејзиниот прадедо Косту Лапе, еден од најистакнатите востаници загинати на Слива, познат и по тоа што неговата куќа била леарница за оружје. Среќни и горди на своите предци, тие сепак беа изненадени дека некој се интересира за битката кај Слива, зашто тоа, наместо нормална работа, е реткост. Не се задоволни од нејзината афирмираност.
- Многу малку е вложено во афирмацијата на битката кај Слива. Од книгите што јас ги имам прочитано, таа била потешка од битката на Мечкин Камен. Потребен е поголем медиумски интерес, повеќе историски истражувања, но и посилен ангажман на државата. Нас како семејство многу ни значи што сме потомци на еден од борците што загинале за Македонија и ни оставиле завет и понатаму да ја браниме - вели Лекса Преш.
Возбудено чекорејќи покрај споменикот, Аница Стојановска ни ја пренесе гордоста на целото нејзино семејство со оставината на војводата Стојанов и на неговите борци, кои, како што истакна, жестоко му се спротивставиле на непријателот и достојно го дале својот живот за Крушево и за Македонија. Тој загинал млад, немал свои деца, но и покрај тоа, вели Стојановска, голем број луѓе го почитуваат како предок.
- Со голема гордост нашето семејство доаѓа овде на Илинден да положи цвеќе. Но местово треба да се уреди поубаво. Без големи инвестиции, скромно, каков што бил и војводата, но подостоинствено - додава Стојановска.
Директорот Богески препорачува барем да се стави нова табла, со имињата на сите познати паднати борци. Сега има едноставен натпис: „Далеку од слободата и неразделни од неа, овде паднаа 40 херои на Илинден“.
Воено-технички гледано, Илинденското востание е поразено. Неговата големина се состои во националниот мит што го создаде, кој беше темел на подоцнежното ослободување на Македонија. Но борците кај Слива тргнале со конкретна цел и ја оствариле во целост. Ќе беа поразени само ако не го спречеа аскерот да дојде до населението. Затоа, од кој било агол да се гледа Илинденскиот период, тие секогаш ќе останат победници.


И црешовото топче е запленето на Слива
Познатото црешово топче што во истанбулскиот „Аскери музеј“ го најде познатиот македонски воен историчар Ванче Стојчев, всушност било запленето во битката кај Слива. Во изработката на топчињата, по налог на Никола Карев, учествувал и Цветко, свршеникот на Злата. Заедно со Стојче Летник, негов соселанец од Селце, пресекле седум црешови стебла и ги оставиле на сонце да се исушат. Дел распукале, а другите ги направиле. Паралелно се изработувале топчиња и на други места, но историчарите веруваат дека она што е најдено во Истанбул е селчанското.

 

Девојката Злата - и во ров и во гроб со својот свршеник
Меѓу повеќето случаи на „приказна во приказната“ околу битката на Слива, највпечатлива, во холивудско-шекспировска смисла, е таа за телото на девојка во брсјачка народна носија, најдено прегрнато со машки труп. Жените-борци од илинденската епоха се опеани, но дека биле преправени како мажи („никој Тодорка не ја позна дека е војвода-девојка“ од „Крушево абер пристигна“). Тогаш од каде ова тело со женска облека на боиштето?
- Тоа биле Цветко Стојчев Коруновски и Злата Велева Богеска од Селце, Крушевско. Цветко бил на печалба во Софија, каде што Ѓорче Петров му порачал да се врати во Селце. На Благовец се свршиле со Злата - раскажува директорот Богески.
Како истакнат член на револуционерната организација, Цветко отишол да се бори на Слива, каде што со Злата, наместо свадба, имале заеднички погреб. Но тоа било сосема случајно.
- Еден бег од селото Норово се обидел да ја обесчести Злата. Тој бил куц, па таа не само што му побегнала, туку му го зела и револверот. Бегајќи низ шумата од Крушево, случајно се нашла на Слива, каде што го видела Цветко во расправија со друг востаник, Петраки, зет за нејзина братучетка. Петраки го напуштил ровот и ја нападнал со кама, но таа го убила со беговиот револвер. Така се нашла со својот свршеник во ровот, каде што биле убиени и пресечени со сабја. Кога ѝ го нашле телото, виделе дека се борела, по трагите од барут на рацете - додава Богески.
За жал, ова не е ниту американски филм, ниту англиска драма, туку македонска љубовна трагедија, и уште еден доказ за пожртвуваноста за слободата.


Преживеаните оставиле пишани сведоштва
Директорот на крушевскиот музеј Зоран Богевски располага со пишани сведоштва на преживеаните, илинденски декларации, направени за време на бугарската окупација, од организацијата од Софија во која членувале илинденци, а загубени при повлекувањето на бугарските сили во 1944 година. Документи со фотографии, досега непознати за јавноста, во која востаници раскажуваат како учествувале и во битката кај Слива. Има најмалку 15 што го напишале тоа. Како од битка во која тргнале да загинат се појавуваат 15 преживеани? Класично дезертирање, објаснува Богевски, немало, освен Петраки, кој бил убиен од Злата. Најмногу од преживеаните се тие што доаѓале од други одреди, како што се повлекувале, и се вклучувале во борбата, а потоа продолжиле со повлекувањето.
 
извор: Нова Македонија

Thursday, March 21, 2013

Весела математика,10% одлучават кој ќе биде градоначалник

Уф недела (24 март) са локалните избори,са одлучаве за градоначалник и совет.

Според изборниут законик за да победе некуј кандидат уф првиут круг,потребно е да има над 33% излезеност на гласачкото тело.Уд тие 33%,потребно е 51% да гу имат дадано гласут за одредан кандидат.

Една весела математика,ако уф Гивгилија има околу 22.000 жители,уд них право на глас имат околу 17.000.

33% уд 17.000 е 5.610 гласачи да излезат.

Уд тие 5,610 гласачи 51% ,односно 2,861 ако гу дадат гласут за един кандидат ,истиут пубедаве уф првиут круг.

ЗНАЧИ ЗА НАД 22,000 ЖИТЕЛИ,ДОВОЛНО Е 2,861 ДА ОДЛУЧЕ КОЈ ЌЕ БИДЕ ГРАДОНАЧАЛНИК.

Затоа уф недела излезејте си,гласајте си за кој мислите,за да не одлучават само 10% уд жителте кој ќе ни биде градски татко.

Твојут глас е твое право (макар и гласал си за Чак Норис).

Wednesday, March 20, 2013

Статуси (на Гивгилиски) бр.8


Избор на статуси...


-Кога немиш никуј,нема кој да забравиш.

-Чувек е бугат,толко колко шо има жиранти.

-Кога си сам ,нема кој да та уставе.

-И басут има контра.

-Не ви е крива држаавта,криви сте вие шо купуавте Ајфон пред да платте сметка.




-На тоа шо му е чист убразут-слободно си шете.

-Повеќе ценум длабоко грло,отколку плитки збораве.

-Шо си са фатил кути слеп за штаб.

-Македонија е толко путресана уд серијте,шо нема време да биде путресана уд реалните случувања.

-Уф партија са флеве исто кути за уф WC. Заради нужда...

-Не са важе слика пред огледало,ако не са гледе оти е уд Ајфон.

-Ва фаќе ли вас прекукурница уд изборте???

-Изгради црква,оти болницте са за атеисти.




-Ду крајни граници = ду крајници.

-Толко ного сељаци имме уф држаавта,шо не требе да са плашме уд граѓанска војна.

-Времто лече се.Затоа уф болница са чеке пу 2-3 саата.

-Сакат исти права кути мажите,а дремат кути гуски кога ќе а дунесат сметката уф кафичут.

-Македонија са саќе су цело срце,оти ако а сакиш су разум-удамна ќе си беше одан уд тука.

-Ако Бил Клинтон дубие нобелова награда за мир,тогаш Талат требе да дубие за тишина.

-Едвај чекум нова прилика за да а пропуштум.




-Да ми извиниш шо ќе ти простум.

-Јас на пример,не сум баш некуј пример.

-Којзнае колко п’та сум седел су сродна душа уф автобус,ама кој да знае.

-Изгледум кути да ми требе пиво.

-Ми са гласе-ми са плаќе.

-Са враќме пу плнењето на телефонут.

Sunday, March 17, 2013

Политиката е ... самовила


Извадок од книгата “Тибам Штркот“



Неколку пути до сега, исклучиво од радозналост, сум
покушавал да отворам муабет за политика. Ем не ми иде,
ем немам соговорници. Затоа решив да направам мала
анкета:


• На прашањето кој е премиер на Канада, пет души ми
одговорија различно, а другите пет немаа појма.

• За министри дефинитивно никој нема благе везе.

• Никој не можеше да наброи повеќе од една политичка
партија. А и таа една - повеќето ја утнаа.

• Сите знаеjа дека Канада е једина земја на светот што
нема претседател. Еее, сега ми стана јасно зашто у
официјална визита не се дојдени ни Бате Чире, ни Тхе
Ред Бане, а нема да дојде ни Хорхе Ивано. Нема кој да
ги пречека.

Кутрите испитаници; oд кај јадниве да ги знаат одговорите
на овие прашања кога на телевизија (а и на радио) е со
декрет забрането рекламирање на партии.
Никој не знае ни колкав мерак ме обзема кога листам
новини и часописи, а у нив нема ни трага од политички
реклами, кампањи...
А знаете ли дека никад у историја нa Канада не се десило
на билборди да има нешто друго освен коли и хамбур-
гери... Политичари?... Ар ју факин' џоукин' уит ми!?
Нормално е човек да се запраша – немогуќе е и за избори
да не се рекламираат. Е тука се предавам; се рекламираат
ама на специфичен начин. Секој симпатизер (или члaн
партијe) има можност на строго определено место (на
еквидистанца помеѓу тротоарот и пешачката стаза) да
постави многу малецко билбордченце. Истото се состои од
две жици (добар материјал за пачки за чатал) збрцани у
трава преку кои e навлечена најлон кеса со политичка
порука. Битно е дека ќесата има точно определена
димензија – отприлика 50х30 сантима. На истата е
отштампан и анфас на некој активист у месна заедница.
Правилото вика дека ликот мора да биде насмеан
(пожелно е да му се гледаат зубите), а целиот портрет не
смее да биде поголем од 20х15 сантиметри.

Thursday, March 14, 2013

Статуси (на Гивгилиски) бр.7


    Избор на статуси...





-Ми са дусади веќе да бидум свој,дај малце да бидум твој.


-Толко сум сопнан коњ шо са супнах уд безжичниут телефон.


-Близнак самоубиец пугрешка си гу утепал брат му.


-ИН ВИНО ВЕРИТАС,ИН СУПА ВЛАКНО.


-Крсти си а ќерката Македонија,да ти биде вечна.


-24 не е деливо су 7,ебатти простите...






-Човек уче дудека е ХИВ....шо ти значе една буква маме му.


-Сите са смејме на ист јазик.


-Ако е 16+ е креветоспособна.


-Охридско езеро тргна уф напад-му збуктиса веќе!


-Едино само ка ќе укључум бојлер,не са пујававе реклама на ДПМНЕ.


-Тоа шо не ма утепаве-нека трче побрзо уд мене.




-Не можум да гу замисљум животут без мене.


-Кога дечко ти е нервозан,пукажи му ги цицките,тоа ќе гу расположе.


-Ако девојка ти е нервозна,не и ги пукажави јајцата-тоа нема да а расположе.


-1000 зошто 1000 заради таа курва.


-Су кој си-таков си. Јас сум Компјутер.

Wednesday, March 6, 2013

Нов мобилен


Чувек праве роденден на негавиут син.

Гу канил и негавиут другар су детто да дојде,ама он бил на работа па а пуштил жена му.
После един саат дубијаве порака уд другар му:



-Сите сме на прослава на малечкиут,а сликах жена ти и ми кажа ного да та поздравум.ПОЗДРАААВ!!!






Три саата покасно истиут тип му пушќе оште една порака:

-Друже извини.
Имум нов мобилен и оште не сум му ги научил сите функции,не знам как работе зумирајнто.
Сега а видех и таа опција,ја ти а цела слика.







Оште едн’ш,ИЗВИНИ!!!

Tuesday, March 5, 2013

Статуси (на Гивгилиски) бр.6


  Избор на статуси...





-Дотерајте са,незнајте шо ви носе денут.Може споменик ви направиле.

-Сине!!! Не трчи пу секоја суќна,уф Шкотска си.

-Не си сељак ако уф сред песна не викниш:  “Па каже....“

-Сложни браќа куќа градат,сложни сестри-јавна куќа.

-Никуј п’т не са кари су тоа шо неможиш да са с,ириш.

-Ќерката: Тато ного сакум да ма запишиш на балет.

 Таткото: Дуцепи и дрвата там да не а еам мамати !!!!!

-Аааа не.Уд сега нанаќи млеко само уд цицка.




-Сине,пази да не ти кладат млеко уф пијалкут.

-Ако са виках Џемаил,ќе са путпишах су Gmail,мудерен сум јас.

-Статусот бил украден.Ми и Неда е Украден па шо.

-Тито Петковски ќе гу глуме Лесли Нилсен уф ноавто продолжение на Гол Пиштол.

-Душ’та најного боле уф грлото.

-За кој да навиавме,за бранта или за воата?

-Ма фати полицајка.И исплних три желби-и ма пушти.

-Татооо,гледи iPhone.Сакууууум. “ iPredmene

-Видех една момичка сабајле как трче пу автобус.А прогласих за Miss the Bus на Македонија.




-А бе мамо,ма боле нешт....... –УД ЦИГАРТЕ ТИ Е !!!!

-Најдобар начин за чистење на екран на телефон е уд цицки.

-Ма убедават оти сите увезани коли са возани уд баба.

-Шо е убав воа свет,тука гомно,тука цвет.

-Кој бира-маструбира.

-Драган Вуќич фатил златна рипка,и она му кажала: Пушти ма бе сељак!

-Бар да си некуј,иако си ништо.